Londonda terror: Burada azərbaycanlılar... - XİN

Londonda metroda baş vermiş terror hadisəsində xəsarət alanlar arasında Azərbaycan vətəndaşlarının olması faktı Azərbaycanın bu ölkədəki səfirliyi tərəfindən araşdırılır və bu xüsusda səfirlik Böyük Britaniyanın müvafiq orqanları ilə təmasdadır.

Xarici İşlər Nazirliyinin mətbuat xidmətinin rəhbəri Hikmət Hacıyev Teleqraf.com-a bildirib ki, ilkin məlumatlara əsasən xəsarət alanlar arasında Azərbaycan vətəndaşının olması faktı qeydə alınmayıb: "Səfirlik bu ölkənin müvafiq strukturları ilə təmasları davam etdirir".

Qeyd edək ki, bu gün London metrosunda ən az 20 nəfərin yanıq xəsarəti alması ilə nəticələnən partlayış olub.