Eldar Mansurovun oğlu vəzifəsindən getdi
Azərpoçt MMC-nin baş direktoru Ülvi Mansurov işdən çıxıb.
APA-ya MMC-dəki mənbə bildirib ki, Ülvi Mansurov tutduğu vəzifədən öz ərizəsi ilə kənarlaşıb.
"Ülvi Mansurov oktyabr ayının 1-indən vəzifəsini öz xahişi ilə tərk edib", - deyə mənbə vurğulayıb.
Hazırda onun yerinə təyinat yoxdur. Baş direktor vəzifəsinin icrası müvəqqəti olaraq Sübhan Kazımova həvalə olunub.
Azərpoçt MMC-nin mətbuat katibi Günel Gözəlova isə bildirilib ki, onun Ülvi Mansurovun işdən çıxması barədə məlumatı yoxdur.
Maraqlıdır ki, Azərpoçt MMC-nin rəsmi saytında "Rəhbərlik" bölməsində Ülvi Mansurov barədə məlumat yoxdur.
Xatırladaq ki, Ülvi Mansurov Azərpoçt MMC-dən öncə Azərbaycan Beynəlxalq Bankı ASC-nin İdarə Heyəti sədrinin müavini olub. O, bəstəkar Eldar Mansurovun oğludur.
.jpg)
.jpg)
.jpg)
