Hərraclar elektronlaşdırıldı - Əmlakın özəlləşdirilməsi

Əmlak Məsələləri Dövlət Komitəsi tərəfindən daha bir innovativ layihə reallaşıb. Dövlət əmlakının özəlləşdirilməsi ilə bağlı keçirilən bütün hərraclar tam elektronlaşdırılıb.

Komitədən Teleqraf.com-a verilən məlumatda bildirilib ki, bu məqsədlə dekabrın 6-da “Dövlət əmlakının özəlləşdirilməsində elektron hərracların tətbiqi: rasionallıq və şəffaflıq” mövzusunda İctimai Təqdimat keçiriləcək. Tədbirdə “Dövlətə məxsus əmlakların özəlləşdirilməsi ilə bağlı elektron hərrac” xidmətinin istifadə qaydaları, üstünlükləri və faydaları barədə təqdimat olacaq və bu proses əyani nümayiş etdiriləcək.

Bu layihənin reallaşdırılması nəticəsində bütün növ dövlət əmlaklarını bir virtual məkandan Elektron Hərrac vasitəsilə özəlləşdirmək mümkün olacaq.