Könül Şamilqızının "Krım atəşi" işıq üzü gördü

Türkiyədə yaşayan Azərbaycanın tanınmış jurnalisti Könül Şamilqızının "Krım atəşi" kitabı işıq üzü görüb.

Teleqraf.com xəbər verir ki, kitab 4 hissədən ibarətdir - Krımın tarixi, işğaldan öncəki durum, işğal və işğaldan sornakı üç il yarım ərzində baş verənlər. Krımın işğal xronologiyasını jurnalist Ukraynada şəxsən şahidi olduğu hadisələr əsasında qələmə alıb.

Nəşr Türkiyədə Krımın işğalı və sonrakı hadisələrdən bəhs edən ilk kitabdır.

240 səhifədən ibarət kitab Türkiyənin ən tanınmış nəşriyyatlarından olan "Ötüken"də buraxılıb. Kitab gələn həftədən satışda olacaq.