Rusiya kosmonavtkasının azərbaycanlı generalı - Viki

AMEA Mərkəzi Elmi Kitabxanasının Vikipediya təlim iştirakçısı Tarix İnstitutunun elmi işçisi Elnur Nəciyev
tərəfindən "Azərbaycanca Vikipediya"sında bu günlərdə Rusiyada vəfat edən həmyerlimiz,fizika-riyaziyyat elmləri doktoru, Beynəlxalq Mineral Resurslar və Çuvaşiya Mühəndis Texniki Akademiyalarının akademiki, SSRİ Nazirlər Sovetinin mükafatı laureatı, professor Valeh Quliyev haqqında məqalə yaradılıb.

Qeyd edək ki, Valeh Quliyevə 2005-ci ildə kosmonavtika sahəsindəki xidmətlərinə görə, general-mayor rütbəsi verilib.

175 elmi əsərin, 7 dərsliyin, 2 monoqrafiyanın müəllifidir.

Onun redaktorluğu altında 30-dan çox elmi-metodoloji vəsait nəşr olunub. O, Rusiyada geniş riyaziyyat məktəbinin yaradıcılarından hesab edilir. Onun rəhbərliyi ilə 5 fizika-riyaziyyat və texniki elmlər doktoru, həmçinin 11 elmlər namizədi hazırlanıb.