DTX yoqa məktəblərinə qəbul elan edir

Dövlət Təhlükəsizliyi Xidmətinin (DTX) Mədəniyyət Mərkəzi musiqi və klassik yoqa məktəblərinə qəbul elan edir.

Bu barədə Teleqraf.com-a DTX-nin İctimai əlaqələr şöbəsindən məlumat verilib.

"Əgər övladınızın istedadının üzə çıxarılmasını, yaradıcılıq qabiliyyətinin inkişafını, mədəni-mənəvi aləminin zənginləşdirilməsini, ümumən vaxtının səmərəli keçirilməsini istəyirsinizsə, Dövlət Təhlükəsizliyi Xidmətinin Mədəniyyət Mərkəzi bu şansı sizə verir. Mədəniyyət Mərkəzində fəaliyyət göstərən musiqi məktəbinin – fortepiano, skripka, violençel, tar və qarmon siniflərinə, bundan başqa şahmat, rəsm, floristika, yaradıcı əllər, rəqs dərnəklərinə, həmçinin Azərbaycanda ilk dəfə yaradılan klassik yoqa məktəbinə yazıla bilərsiniz. Dərslər fərdi və qrup şəklində keçirilir", - elanda bildirilib.

Ünvan: Bakı şəhəri, Səbail rayonu, Rəşid Behbudov küçəsi, 3 (keçmiş Şəhriyar adına Mədəniyyət evi).

Əlaqə telefonları: (012) 405 91 84; (012) 405 91 13