Bakı küçələrində sıxlıq yarandı - BNA

Bakı şəhərində bəzi küçələrdə sıxlıq müşahidə edilir.

Bu barədə Teleqraf.com-a Bakı Nəqliyyat Agentliyinin mətbuat xidmətinin rəhbəri Mais Ağayev məlumat verib.

Onun sözlərinə görə, səhər saatlarından başlayaraq paytaxtın əksər küçə və prospektlərində nəqliyyat vasitələrinin hərəkətində sıxlıq müşahidə edilir: “Sıxlıq səbəbindən bəzi marşrut xətləri üzrə avtobusların intervalında gecikmələr yaranıb”.

Qeyd edək ki, “Nəriman Nərimanov" metrostansiyasında işarəvermə avadanlığında texniki nasazlıq səbəbindən bu gün səhər qatarların hərəkət intervalında gecikmə baş verib. Bu isə şəhər nəqliyyatına təsirsiz ötüşməyib.