Bakıda 40 milyon manata satılan torpaq… - Əmlak eksperti

Bakının Nərimanov rayonunda boş torpaq sahəsinin 40 milyon manata təklif edilməsi fantastika kimi təqdim olunur, halbuki bu, real qiymətdir.

Bu sözləri Teleqraf-com-a açıqlamasında "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.

Onun sözlərinə görə, həmin qiymətə təklif edilən torpaq sahəsi 210 sotdur: “Sotu 200 min manata düşür. Bakı şəhərinin biznes tikinti zonasında 1 sot torpağın 200 min manat təklif edilməsi normaldır. Həmin ərazidə o qiymətə torpaq tapmaq çətindir.

Şəhərin mərkəzinə gəldikcə torpağın qiyməti hər kvadrat metrinə görə 2000-5000 manat arasında dəyişir. Harda hündürmərtəbəli bina tikmək mümkündür, orada torpağın kvadrat metrini 2000 manatdan aşağı almaq çətindir”.

Qeyd edək ki, elan saytlarının birində qiyməti 39-40 milyon manata torpaq sahələri təklif olunur. Bakının Nərimanov rayonunda 40 milyon manata satılan boş torpaq sahəsi 2 hektar 10 sotdur.