Müalicə üçün xaricə gedənlərin sayı azalıb – Nazirlik

Bir neçə il bundan qabaq sərhəd məntəqələrində xaricə, xüsusən İran və Türkiyəyə müalicə üçün gedənlərə həddindən artıq rast gəlmək olurdu. Son illər bu sahədə azalma müşahidə olunur.

Səhiyyə Nazirliyinin mətbuat xidmətinin əməkdaşı Səfayə Əhmədova Teleqraf.com-a deyib ki, müalicə üçün xaricə gedənlərin sayı keçən illərə nisbətən faktiki olaraq bir neçə dəfə azalıb: “Bunu hər sahənin öz mütəxəssisləri, həkimləri də təsdiq edir.

Səbəblərə gəlincə, xidmət sahəsində yaradılan şərait, həkimlərin bilik-bacarığının artırılması və öz sahələri üzrə təkmilləşdirilməsdir . Görünür, əhali öz həkimlərinə daha çox etibar edir”.