Deputat dağlıq kəndlərin sakinlərini qəbul edib

Millət vəkili Novruz Aslanov növbəti dəfə İsmayıllı rayonuna seçiciləri qəbul etmək üçün səfər edib.

Deputatın qərargahından verilən məlumata görə, qəbul dağlıq ərazidə yerləşən Qalacıq kəndində icra nümayəndəliyinin binasında keçirilib. Qəbula ətrafda yerləşən İstisu, Sumağallı, Çayqovuşan kəndlərindən və İsmayıllı şəhərindən də sakinlər gəliblər. Sakinlər deputatdan müxtəlif mövzularda, əsasən yeni elektrik transformatorunun quraşdırılmasına və kəndə gedən yolun bir hissəsinin asfaltlanmasına köməklik göstərilməsini xahiş ediblər. Şəxsi məsələlərlə də bağlı deputata müraciətlər edilib. Millət vəkili bu məsələlər barədə müvafiq qurumlara müraciət edəcəyini bildirib. Bir neçə məsələnin həlli ilə bağlı yerli nümayəndəliyə tövsiyələr verilib.

/APA/