Mənəvi Dəyərlərin Təbliği Fondu müsabiqə elan etdi

Dini Qurumlarla İş üzrə Dövlət Komitəsinin tabeliyində olan Mənəvi Dəyərlərin Təbliği Fondu “Media və mənəvi dəyərlər” mövzusunda məqalə müsabiqəsi elan edir.

Teleqraf.com xəbər verir ki, müsabiqəyə mənəvi dəyərlərin təbliği, qorunması, inkişafi, eləcə də, Azərbaycançılıq ideologiyası ilə bağlı məqalələr göndərilə bilər.

Eyni zamanda, Ulu Öndər Heydər Əliyev və Azərbaycan Respublikasının Prezidenti cənab İlham Əliyevin mənəvi dəyərlərin qorunması və inkişafı sahəsindəki siyasətini işıqlandıran məqalələr də qəbul olunur.

Kriteriyalar:

Məqalə innovativ və əhatəli olmalıdır;
Müsabiqə elan olunduqdan sonra, qəzet və ya elektron internet
portallarında dərc edilməlidir;
Məqalənin həcmi 8 000 (səkkiz min) işarədən artıq olmamalıdır. Yazılar qəzetdə dərc edilərsə: A4 formatlı vərəqdə və 1 nüsxə qəzet şəklində Fonda təqdim olunmalıdır;
Elektron portalda dərc edilərsə: A4 formatlı vərəqdə çap olunmalı və link əlavə edilərək Fonda təqdim edilməlidir.

Mükafat: I yer - 400 AZN (1 nəfər); II yer - 300 AZN (2 nəfər); III yer – 200 AZN (3 nəfər)

Hər biri 100 manat olmaqla 5 həvəsləndirici mükafat da nəzərdə tutulur.

Müsabiqənin müddəti: 22 oktyabr – 22 noyabr 2018-ci il