Stalinin Azərbaycana sürgün etdiyi türklər – 74 il sonra ilk dəfə…

Azərbaycanda yaşayan Ahıska türkləri sürgün edilmələrinin ildönümündə vətənlərini ziyarət ediblər.

Teleqraf.com xəbər verir ki, ziyarət Türk İşbirliyi və Koordinasiya Agentliyinin (TİKA) dəstəyi ilə baş tutub.

Gürcüstana gələn 60-dan çox Ahıska türkü sürgün edildikləri yerlərə baş çəkiblər.

Səfər çərçivəsində türklər Gürcüstanın Samtsxe-Cavaxetiya Dövlət Universitetində də olublar.

Bu, sürgündən sonra Ahıska bölgəsində təşkil edilən ilk belə tədbirdir.

Qeyd edək ki, SSRİ dönəmində Stalin rejimi tərəfindən Ahıska bölgəsində yaşayan türklər 1944-cü ildə Sovet İttifaqı sərhədləri daxilində Orta Asiya və Qafqazın digər ölkələrinə sürgün ediliblər.