“Bu xəbəri kim yazıbsa...” - Əhəd Abıyev qəza xəbərindən danışdı

Qəzaya düşməyimlə bağlı yayılan informasiyalar növbəti şoudur. Deputat Kamran Bayramovla görüşdük və Fövqəladə Hallar Nazirliyinin keçirdiyi müşavirəyə gəldik.

Bu sözləri Teleqraf.com-a açıqlamasında Daşkəsən Rayon İcra Hakimiyyətinin başçısı Əhəd Abıyevin avtomobil qəzasına düşməsilə bağlı yayılan xəbərlərə münasibət bildirərkən deyib.

Onun sözlərinə görə, qəza olmayıb və bu barədə iddialar cəfəngiyyatdır: “Mən bilmirəm, bu xəbəri kim yazıb. Bu xəbəri kim yazıbsa, şou axtarır. Mən müşavirədə idim. Orada çıxış da elədim. Hazırda rayonun mərkəzindəyik, seçicilərlə görüşə gələn deputat Kamran Bayramov da yanımdadır”.