Kitabxanada interaktiv plakat hazırlandı - Azərbaycanda ilk

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin Mirzə Şəfi Vazeh adına Mərkəzi Kitabxanasında Azərbaycanın kitabxana tarixində ilk dəfə interaktiv plakat hazırlanıb.

Kitabxanadan bildirilib ki, plakat Azərbaycan Xalq Cümhuriyyəti və Parlamentinin 100 illik yubileyinə həsr olunub. Bu yeni beynəlxalq layihə Rusiyanın Orenburq vilayətinin Pokrovka müasir kitabxanası ilə birgə həyata keçirilib.

İnteraktiv plakatda Azərbaycanın Dövlət bayrağının fonunda Xalq Cümhuriyyətinin görkəmli siyasi və ictimai xadimlərinin fotoşəkilləri verilib.

Həmçinin plakatda AXC haqqında məlumat, mp4 formatında Dövlət himni və onun Azərbaycan və rus dillərində mətni, marşı və s. məlumatlar əks olunub. (azərtac)