12 Dekabr 2018 16:35
1 592
12 Punto 14 Punto 16 Punto 18 Punto

Bir neçə gün əvvəl Tərtər çayı üzərində Su Elektrik Stansiyası (SES) istifadəyə verildi.

Teleqraf.com xəbər verir ki, bu barədə Azərbaycanın işğal edilmiş Dağlıq Qarabağ bölgəsindəki separatçıların nümayəndəsi Araik Harutyunyan bildirib.

Harutyunyan qeyd edib ki, qarşıdakı illərdə SES 1 milyard kilovat-saata qədər elektrik enerjisi istehsal edə biləcək.

Separatçıların nümayəndəsi xarici ölkələrə elektrik enerjisi ixrac etməyi də planlaşdırdıqlarını bildirib.

Qeyd edək ki, Araik Harutyunyan bir neçə gün əvvəl avropalı investorların Azərbaycanın işğal altındakı Sərsəng su anbarı yaxınlığında tikiləcək yeni SES üçün 100 milyon dollar pul ayırdıqlarını açıqlamışdı.

O, nəzərdə tutulmuş anbarın Sərsəngin sağ sahilində qurulacağını demişdi.


Müəllif: Mənsur Rəğbətoğlu