Ana səhifə / Toplum

Bakı forumuna Bosniya rəsmisi də qatılacaq – Foto

15 Fevral 2019 12:42
427
12 Punto 14 Punto 16 Punto 18 Punto

Nizami Gəncəvi Beynəlxalq Mərkəzinin nümayəndələri Sarayevoda Bosniya və Herseqovina Rəyasət Heyətinin üzvü Şefik Caferoviçlə görüşüblər.

Mərkəzdən Teleqraf.com-a verilən məlumata görə, görüşdə mərkəzin fəaliyyəti, gələcək planları ilə bağlı müzakirələr aparılıb.

Görüşdə mart ayının 14-16-da Nizami Gəncəvi Beynəlxalq Mərkəzinin təşkilatçılığı ilə keçiriləcək VII Qlobal Bakı forumu ilə bağlı da fikir mübadiləsi aparılıb. Bosniya və Herseqovina Rəyasət Heyətinin üzvü Şefik Caferoviç forumda iştirak edəcəyini bildirib.

Xatırladaq ki, VII Qlobal Bakı forumunda dünyanın 70-dən çox ölkəsindən 450 qonağın iştirakı gözlənilir. Forumun mövzusu “Dünyanın yeni xarici siyasəti” olacaq. Tədbirdə dünyanın tanınmış dövlət adamları, siyasətçiləri, nüfuzlu ictimai xadimlərinin iştirakı gözlənilir. Tədbirə bir sıra ölkələrin hazırkı dövlət və hökumət başçıları da qatılacaq.

Müəllif: Səxavət