2 yaşlı Zəhra və nənəsinin məzarı ziyarət edildi - Foto

8 mart Beynəlxalq Qadınlar Günü münasibətilə ilə Füzuli rayonunda 2 yaşlı Zəhra və onun nənəsi Sahibə Allahverdiyevanın məzarı ziyarət edilib.

"Regional İnkişaf" İctimai Birliyinin nümayəndələri 2017-ci ildə Füzuli rayonunun Alxanlı kəndinin Ermənistan silahlı qüvvələri tərəfindən atəşə tutulması nəticəsində qətlə yetirilən 2 yaşlı Zəhra Quliyevanın və nənəsi Sahibə Allahverdiyevanın məzarını ziyarət edib.

Birliyin nümayəndələri Zəhranın ailəsinə baş çəkərək, onun anasına 8 Mart Beynəlxalq Qadınlar Günü münasibəti ilə Heydər Əliyev Fondu adından hədiyyələr təqdim ediblər.