Əli İnsanov keçmiş məhkum yoldaşları ilə qəbiristanlıqda görüşdü - Foto

Prezident İlham Əliyevin 16 mart tarixli əfv sərəncamı ilə azadlığa buraxılmış sabiq səhiyyə naziri Əli İnsanov ötən gün keçmiş məhkum yoldaşları ilə bir araya gəlib.

Teleqraf.com xəbər verir ki, bununla bağlı məlumatı vaxtilə Əli İnsanovla bir cəzaçəkmə müəssisəsində saxlanılmış jurnalist Pərviz Həşimli yayıb.

O, öz sosial şəbəkə hesabından yaydığı məlumatda bildirib ki, ötən gün 13 saylı cəzaçəkmə müəssisəsindən azadlığa buraxılmış keçmiş məhkumlar Pərviz Həşimli, Tofiq Yaqublu, Fərəc Kərimli, İlkin Rüstəmzadə, Əbdul Əbilov sabiq nazirlə görüşüblər.

Keçmiş məhkumlar qəbiristanlıqda Müsavat Partiyası başqanının sabiq müavini Tofiq Yaqublunun qızı Nərgiz Yaqublunun məzarını ziyarət ediblər.

Xatırladaq ki, hepatit xəstəliyindən əziyyət çəkən Nərgiz Yaqublu 23 aprel 2015-ci ildə vəfat etmişdi. Həmin vaxt Tofiq Yaqublu sabiq nazir Əli İnsanovla eyni cəzaçəkmə müəssisəsində saxlanılırdı.