Onun ölümündən sonra heç kəsi yaxına buraxmadı – Məşhurların sevgisi

Nə qədər əlçatmaz yüksəklikdə dayansalar da, dəbdəbəli həyatın mənsubları kimi görünsələr də taleyin qəribə oyunları onları da heç kəsdən fərqlənməyə imkan verməyib. Kimisi vaxtsız ölüb, kimisi pis vərdişlərin qurbanına çevrilib, kimisi də şöhrət pillələrində özünü itirib. Lakin onların yaşadıqları sevgilər həmişə diqqət mərkəzində olub.

Teleqraf.com məşhurların sevgi hekayələrini təqdim edir.

Fəlakətin mərkəzində

Model Petra Nemtsova üçün 2004-cü ilin 26 dekabrı heç vaxt unudulmayacaq. Model həmin gün sevgilisi Simon Atli ilə birlikdə sunaminin yerlə-yeksan edəcəyi Tailandda idi.

O gün Nemtsova sevgilisi ilə birlikdə tarixin ən böyük fəlakətinin mərkəzinə düşdü. Nemtsova özünü xilas edə bilsə də, dalğalar Simonu çoxdan aparmışdı.

Xilas olduqdan sonra səkkiz saat sahildə Simonu gözlədi. Lakin Simon fəlakətdə həyatını itirən 200 min nəfər qurbandan biri idi. Gələ bilməzdi...

Evə qayıdarkən

Adı azyaşlı qızlara qarşı cinsi zorakılıqda hallanan rejissor Roman Polanskinin də faciəvi xatirələri var.

Hər nə qədər xəyanətdə ittiham etsə də, barəsində “Çox az kişi bir qadına mənim Şarona aşiq olduğum kimi aşiq ola bilər”, dediyi həyata yoldaşı Şaron Tateni qorxunc qətliamda itirdi.

Dövrünün parlaq aktrisalarından olan Şaron Tete 1969-cu ildə Çarlz Mansonun mafiyasının cinayət əməlinin qurbanı oldu. Polanski və Tatenin evinə girən mafiya iki həftə sonra övlad dünyaya gətirəcək Tate və yanındakı dörd nəfəri qətlə yetirdi.

Həmin vaxt doqquz aylıq hamilə olan Şaron 16 yerindən bıçaqlanmışdı. Roman Polanski isə qətliamın baş verdiyi vaxt evdə deyildi.

Sevib ayrılmaq…

Mişelle Uilyamsla Hit Ledger bir-birinə birlikdə rol aldıqları “Brokbak dağı” filminin səhnəsində aşiq oldular.

Bunu bir müddət hamıdan gizləsələr də, Uilyams Ledgerlə sevgili olduğunu və yaxında uşaqlarının dünyaya gələcəyini açıqladı. Lakin 2006-cı ildə vəziyyət gözlənilmədən dəyişdi. Ledgerin narkotik aludəşiliyi cütlüyün yollarını ayırdı.

Əslində sevgiləri bitməmişdi. Sadəcə Mişelle Uilyams sevgilisinin qəribə davranışlarına dözə bilmirdi. Qızları Matilda dünyaya gəldikdən sonra onun xətrinə dost qaldılar. 2008-ci ildə ayrılmalarına baxmayaraq, hələ də Ledgeri sevən Mişelleyə pis xəbər gətirdilər. Hit Ledger evində ölü tapılıb.

Bundan sonra Mişelle heç kəsi həyatına yaxın buraxmadı.

Məhəbbət və məyusluq

“Sissy” filmləri ilə məşhurlaşan Romi Şneyder həyatının ən böyük sevgisini hələ 20 yaşında ikən “Kristina” adlı filmin çəkilişlərində tanış olduğu Alen Delonla yaşadı. Əlbəttə, ən böyük məyusluğunu da…

Delona görə ölkəsini tərk edən Romini çox keçməmiş sevgilisi atdı. Həm də başqa bir qadına görə… Daha sonra iki dəfə evləndi, amma Alen Delondan aldığı travmalardan xilas ola bilmədi.

Oğlu Davidin eyvandan yıxılaraq faciəvi şəkildə ölməsi isə həyatla arasındakı körpünü tamamilə yandırdı. Spirtli içkiyə qurşandıqdan sonra Parisdəki evindən ölü tapılanda hələ 43 yaşında idi.