“Sərəncamı oxuyub çox sevindik” - Musa Yaqubun oğlu

“Atama Xalq şairi fəxri adının verilməsi ilə bağlı sərəncamı oxuduq, çox sevindik”.

Teleqraf.com xəbər verir ki, bunu “Report”a açıqlamasında Xalq şairi Musa Yaqubun oğlu Şəhriyar Yaqubov deyib.

O bildirib ki, atasının səhhəti yaxşı olmadığı üçün zənglərə onun adından cavab verir: “Təbriklər üçün hamıya təşəkkür edirik. Atamın səsi çıxmır. Danışdığını başa düşmək mümkün olmadığı üçün zənglərə cavab verməyi mənə tapşırıb. Xəbəri bizə Rəşad Məcid verdi. Sərəncamı oxuduq, çox sevindik”.