Azərbaycan deputatı Qadın Siyasi Liderlərin sammitində

Milli Məclisin deputatı Sahibə Qafarova Qadın Siyasi Liderlərin 2019-cu il sammitində iştirak etmək üçün sabah Tokio şəhərinə səfər edəcək.

Teleqraf.com xəbər verir ki, tədbir Yaponiya Nümayəndələr Palatası və Qadın Siyasi Liderləri Təşkilatı tərəfindən həyata keçirilir.

Toplantıda qadınların ictimai-siyasi həyatda rolu, onların dünyada baş verən proseslərə təsir imkanları, sülhün, əmin-amanlığın, sabitliyin bərqərar olmasında fəallığının artırılması, qadın siyasi xadimlərinin əməkdaşlığının genişləndirilməsi məsələləri müzakirə olunacaq.