Nazirlik küçədə qalan kişi ilə bağlı hərəkətə keçdi - Foto

"Bakı şəhər sakini, 55 yaşlı Əliyev Etibar Nadir oğlunun daimi yaşayış yeri olmaması səbəbindən çətin həyat şəraitinə məruz qaldığını, stasionar şəraitdə sosial xidmətə ehtiyac duyduğunu öyrəndik"

Teleqraf.com xəbər verir ki, bu barədə Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Fazil Talıbov məlumat verib.

O, bildirib ki, nazirliyin əməkdaşları tərəfindən E.Əliyev olduğu yerdən götürülərək, nazirliyin sığınacağına gətirilib.

"Burada vətəndaş ilk tibbi müayinədən keçib, yeni geyim və isti qida ilə təmin olundu. E.Əliyev qanunvericilikdə nəzərdə tutulmuş müddət ərzində sığınacaqda yaşayacaq. Burada qaldığı müddətdə onun normal həyat tərzinə qayıdışı, əmək qabiliyyətli olduğu üçün məşğulluq orqanları ilə birgə işlə təminatı üçün də müvafiq işlər görüləcək",-deyə qurum rəsmisi bildirib.