Şamaxının iki kəndinə qaz verildi

Bu gün qazlaşdırma işləri başa çatdırılmış Şamaxı rayonunun Çıraqlı və Çöl Göylər kəndlərinə təbii qaz verilib.

Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən Teleqraf.com-a verilən məlumata görə, bu münasibətlə Çıraqlı kəndində rayon rəhbərliyi və “Azəriqaz” nümayəndələrinin iştirakı ilə mərasim keçirilib.

Qeyd edək ki, Çıraqlı (39 abonent) və Çöl Göylər (110 abonent) kəndlərinə təbii qazın verilməsi ilə rayon üzrə qazlaşma faizi 96,67 %-ə çatıb. İşlərə bu ilin fevral ayının əvvəlində başlanılıb.

Ümumilikdə 2 kənddə müxtəlif diametrli yeraltı orta təzyiqli polietilen və paylayıcı yerüstü qaz kəmərləri çəkilib. Hər bir fərdi mənzilin qaz kəməri üzərində 149 ədəd qaz sayğacı quraşdırılıb.