Bakı şəhər Təhsil İdarəsi könüllü işçi axtarır

Bakı Şəhəri üzrə Təhsil İdarəsi (BŞTİ) könüllü əsaslarla işləmək arzusunda olan gənc oğlan və qızları əməkdaşlığa dəvət edir.

Könüllü kimi fəaliyyət göstərmək istəyən gənclər İdarənin müxtəlif sektorlarında 3 ay təcrübə keçmək imkanı qazanacaqlar.

Teleqraf.com BŞTİ-nin facebook sosial şəbəkəsinə istinadla yazır ki, idarənin könüllü işləmək istəyənlərdən tələbi belədir: “İntizamlı, xoşrəftar, kollektivdə işləmək bacarığı olan, kompüterdə işləməyi bacaran, xarici dil bilikləri olan, ali təhsilli və ya təhsil müəssisələrində son kurslarda oxuyan gənclər müraciət edə bilərlər: “Bunun üçün tərcümeyi halınızı (CV) press@bakuedu.gov.az ünvanına göndərməyiniz xahiş olunur. Əlaqə telefonu: (012) 441 – 62 – 87, 441 – 04 – 99”

Könüllülük prinsipi ilə işləyənlərə İnsan resursları, İctimaiyyətlə əlaqələr, Ümumi təhsil, Məktəbdənkənar təhsil , İnformasiya təminatı, Ümumi sektor,
Təminat və təchizat sektorlarında iş təklif olunur.

SEVİL