Sosial müdafiəyə 31, təhsilə 38, elmə 42 faiz... - 2020-ci ilin büdcəsi

Bu gün Milli Məclis 11 məsələni müzakirəyə çıxaracaq.

Teleqraf.com xəbər verir ki, bu barədə parlamentin plenar iclasında spiker Oqtay Əsədov deyib.
Sədr bildirib ki, 2020-ci il büdcəsi sosial yönümlüdür.

Onun sözlərinə görə, 2020-ci il dövlət büdcəsində sosial müdafiəyə ayrılan maliyyə 31 %, təhsilə ayrılan vəsait 38%, elm xərcləri 42%, müdafiə sahəsinə ayrılan maliyyə 21% artırılıb.

Spiker bildirib ki, 2020-ci ildə icbari tibbi sığortanın tətbiqi ilə əlaqədar olaraq səhiyyə xərcləri 1 milyard 369 milyon manat olub.

Milli Məclis sədri əlavə edib ki, məcburi köçkünlərin problemləri diqət mərkəzində olacaq.

Oqtay Əsədov ölkədə aparılan iqtisadi islahatlara münasibət bildirib: “Xüsusilə də gömrük və vergi sahələrində ciddi islahatlar aparıldı. Təcədüfi deyil ki, Azərbaycan islahat aparılan ölkələr siyahısında ilk yerləri tutur. Ötən 9 ayda ÜDM 2.5 faiz artıb. Burada diqqətçəkən məqam qeyri-neft sektorununda olan artımdır. Ölkəmizin valyuta ehtiyyatları artıb və vəsaitlərin böyük hissəsi qeyri-neft sektoruna yatırılıb. Əhalinin gəliləri artıb, inflyasiya isə azalaraq 2.6 faiz civarında qərarlaşıb. Gələn il də iqtisadi göstəricilərin artacağı gözlənilir. Bunun nəticəsində ÜDM-də qeyri-neft sektorunun payı 70 faizə qədər yüksələcək”.

Xatırladaq ki, iclasda Baş nazir Əli Əsədov iştirak edir.