Daha bir jurnalist deputatlığa iddialıdır - Namizədliyi qeydə alındı

48 saylı Yevlax seçki dairəsindən deputatlığa namizədliyini irəli sürən müstəqil namizəd, “Olaylar” İnformasiya Agentliyinin müxbiri Süleyman İsmayılbəylinin namizədliyi rəsmən qeydə alınıb.

Bu barədə Teleqraf.com-a millət vəkilliyinə namizəd özü məlumat verib.

Süleyman İsmayılbəyli imzatoplama kampaniyasına dəstək verən hər kəsə təşəkkür edib:

“Bu müddət ərzində mənə dəstək olan hər kəsə, ilkin olaraq etimad göstərib imza verən bütün rayon sakinlərinə dərin təşəkkürümü bildirirəm. Qarşıda bizi daha çətin mərhələ gözləyir. Ümid edirəm ki, bundan sonra da uğur bizimlə olacaq”.