“Wizz air” Bakıya uçuşları davam etdirəcək

Macarıstanın “Wizz air” aviaşirkəti hökumətlərarası saziş əsasında Budapeştdən Bakıya uçuşları davam etdirəcək.

Trend xəbər verir ki, bu barədə çərşənbə günü jurnalistlərə “Azərbaycan Hava Yolları” QSC-nin sədr müavini Sabir İlyasov bildirib.

Onun sözlərinə görə, hazırda Azərbaycan tərəfinin nümayəndə heyəti hökumətlərarası sazişi imzalamaq üçün Budapeştdə səfərdədir: "Onlar aviareysləri yerinə yetirməkdə davam edəcəklər. Aviareyslərin yerinə yetirilməsi üçün hökumətlərarası saziş yox idi və onlar müvəqqəti protokol əsasında uçurdular, indi isə bu, hökumətlərarası saziş çərçivəsində olacaq".