Göygöldə yol qəzası - ölən və yaralananlar var

Göygöl rayonunda xəsarətlə və ölümlə nəticələnən yol qəzası baş verib.

Teleqraf.com-un məlumatına görə, hadisə Gəncə-Daşkəsən avtomobil yolunun Göygöl rayonu ərazisindən keçən hissəsində qeydə alınıb.

Yeni Qızılca kəndində "Ford" markalı yük maşını yol kənarında dayanmış "Zil" markalı yük maşınına çırpılıb. Qəza zamanı 1 qadın hadisə yerində ölüb, daha 1 qadın və uşaq xəsarət alıb. Yaralılar Gəncə şəhər Təcili Tibbi Yardım Xəstəxanasına aparılıb.

Faktla bağlı araşdırma aparılır.