Odessada 100 yaşlı soydaşımız vəfat etdi

Ukraynanın Odessa şəhərində yaşayan həmyerlimiz Ataxan Fərzəliyev 100 yaşında vəfat edib.

Teleqraf.com xəbər verir ki, A.Fərzəliyev İkinci Dünya müharibəsi zamanı Leninqradda ağır döyüşlərdə iştirak edib, Odessanın azad edilməsi uğrunda döyüşüb.

Soydaşımız Berlinə qədər döyüşlərin iştirakçısı olub.

Sonradan Odessa şəhərində yaşamağa başlayan həmyerlimiz Ukraynanın ictimai-siyasi həyatında yaxından iştirak edib.

75 il Odessada yaşayan A.Fərzəliyev burada ailə qurub, çoxsaylı nəvə və nəticə sahibi olub.