Virusun müalicəsində Çin protokollarından istifadə edilir - Rəsmi

Azərbaycan koronavirus xəstələrinin müalicəsində Çinin müalicə protokollarından istifadə edir.

Teleqraf.com xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Operativ Qərargahın brifinqində deyib.

O qeyd edib ki, dünyada istifadə olunan bütün dərman və müalicə prosedurları Azərbaycanda tətbiq edilir:
"Həftədə bir neçə dəfə Cənubi Koreya və Israil kimi ölkələrin mütəxəssisləri ilə ölkəmizin mütəxəssisləri arasında video-konfrans üsulu ilə təcrübə mübadiləsi aparılır. Bundan başqa Türkiyədəki azərbaycanlı həkimlər 3 aylıq ölkəmizə ezam olunub və xəstələrin müalicəsi ilə məşğuldur".