DOST Agentliyindən tibb işçilərinə maraqlı təbrik - Video

Tibb işçilərinin peşə bayramı günü münasibəti ilə DOST Agentliyi günün qəhrəmanlarının şərəfinə videoçarx hazırlayıb.

Agentlik əməkdaşları və “Könüllü DOST”lar pandemiya dövründə mübarizənin ön cəbhəsində olan, həyatlarını riskə atan fədakar həkimlərimizi ayaq üstə alqışlayıblar.

Xatırladaq ki, hazırda 3 DOST mərkəzi fəaliyyət göstərir. 1 saylı Bakı DOST mərkəzi Bakının Yasamal və Səbail rayonlarının, 2 saylı Bakı DOST mərkəzi Xəzər və Pirallahı rayonlarının, 3 saylı Bakı DOST mərkəzi isə Paytaxtın Nizami, Sabunçu və Suraxanı rayonlarının sakinlərinə xidmət edir.