Yaxınını itirən BAXCP sədri hər kəsə təşəkkür etdi

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev ailəsində baş vermiş ağır itkiyə görə başsağlığı verən hər kəsə təşəkkürünü bildirib.

Bununla bağlı Qüdrət Həsənquliyevin BAXCP-nin mətbuat xidmətinə verdiyi açıqlamada deyilir: “Allah Sizlərdən razı olsun, ölənlərinizə rəhmət eləsin, xalqımızı, xüsusilə də gənclərimizi hər cür bəladan hifz etsin, tezliklə insanlığı sınağa çəkmiş bu epidemiyaya qarşı mübarizə vasitələri tapmaqda elm adamlarına kömək olsun”.