"Bölgələrdə ciddi həkim çatışmazlığı müşahidə olunur" - Deputat

“Həkimlərin əmək qanunvericiliyə uyğun olaraq 65 yaşda pensiyaya çıxarılmasına yenidən baxılmalıdır”.

Teleqraf.com xəbər verir ki, bunu deputat Rəşad Mahmudov Milli Məclisdə çıxışı zamanı deyib.

R.Mahmudov bildirib ki, artıq bölgələrdə ciddi həkim çatışmazlığı müşahidə olunur:

“Bakı və ətraf qəsəbələri çıxmaqla, bölgələrdə 50 faiz həkim ştatı boşdur. Bunu rəsmi statistikaya əsaslanaraq deyirəm. Biz, müvafiq dövlət qurumları həkimlərin 65 yaşda pensiyaya çıxarılması məsələsinə yenidən baxmalıyıq”.