Xidmətləriniz sayəsində Azərbaycan mədəniyyət mərkəzi kimi tanınır

El-1 idman təşkilatı və GƏL-in (Gənclərin Əməkdaşlıq Liqası) sədri Elçin Çobanzadə Birinci vitse-prezident Mehriban Əliyevanı doğum günü münasibətilə təbrik edib.

Teleqraf.com-un məlumatına görə, təbrikdə insanlara göstərdiyi diqqət və qayğıya görə Mehriban Əliyevaya təşəkkür ifadə olunub.

"Hörmətli Mehriban xanım!

İcazə verin, Sizi, doğum gününüz münasibəti ilə səmimi qəlbdən təbrik edim. Siz əzmkarlıq və xoş əməllərinizlə hər zaman xalqın mənafeyini uca tutmuş, onun rifahının yaxşılaşdırılmasına səy göstərmiş və insanların qəlbində hörmət, məhəbbət hissləri yaşatmısınız. Ölkəmizin sürətlə inkişafı istiqamətində gördüyünüz səmərəli fəaliyyətiniz əsl peşəkarlıq, siyasi yetkinlik nümunəsidir.

Azərbaycan bu gün dünyada sülhsevər insanların yaşadığı diyar, idman və mədəniyyət mərkəzi kimi tanınır. Ölkəmizdə keçirilən irimiqyaslı tədbirlər Təşkilat Komitəsinin sədri kimi yorulmaz fəaliyyətiniz və işgüzarlığınız sayəsində yüksək səviyyədə keçirilib. Beynəlxalq tədbirlər təkcə şəhərimizin zəngin mədəniyyətinin, gözəl təbiətinin, turizm potensialının təbliği deyil, həm də Azərbaycanın qısa müddət ərzində əldə etdiyi yüksək inkişaf səviyyəsini bütün dünyaya nümayiş etdirməsi baxımından əhəmiyyət kəsb edib.

Mötəbər beynəlxalq təşkilatların UNESCO və İSESKO-nun xoşməramlı səfiri kimi ümumbəşər dəyərlərin və millətlərarası əlaqələrin genişlənməsinə öz töhvənizi verirsiniz. Rəhbərlik etdiyiniz Heydər Əliyev Fondu müxtəlif sahələri əhatə edən layihələri reallaşdırmağa, dünyanın nüfuzlu təşkilatları ilə əməkdaşlıq etməyə, möhtəşəm beynəlxalq konfrans və festivallar keçirməyə nail olub.

Azərbaycanın Birinci vitse-prezidenti kimi həyata keçirdiyiniz proqramlar, xüsusilə qaçqın və məcburi köçkünlərin həyat şəraitinin yaxşılaşdırılması istiqamətində gördüyünüz işlər qürurvericidir.

Doğum gününüz ərəfəsində bu təbriklə Sizə ən xoş arzularımızı bildirir, həyatınızda işıqlı günlər, can sağlığı və ailə səadəti arzulayırıq".

Təbrikə təşkilatın rəsmi tərəfdaşları "Azəri Halal", "Eloğlu şirkətlər qrupu, "Technol", "Sobsan", Lənkəran Mexanikləşdirmə, Orbita MTK, "Ballı" şirkətləri qoşulur.