Bu portal fəaliyyətini dayandırdı

Pandemiya dövründə çimərlik mövsümü ilə bağlı yaradılmış cimerlik.az portalı mövsümün bitməsi ilə əlaqədar fəaliyyətini dayandırıb.

Teleqraf.com xəbər verir ki, bu barədə ASAN Xidmət məlumat yayıb.

Çimərliklərin fəaliyyətdə olduğu dövr üzrə avqustun 5-dən sentyabrın 15-dək ümumi giriş sayı 724, 266 nəfər olub, o cümlədən avqust ayı üzrə 578, 395 nəfər və sentyabr ayı üzrə isə 145, 871 nəfər təşkil edib.

Fəaliyyətin təşkil olunması zamanı “ASAN xidmət” tərəfindən Bakı Şəhər İcra Hakimiyyəti, Ekologiya və Təbii Sərvətlər Nazirliyi, Fövqəladə Hallar Nazirliyi arasında koordinasiyalı fəaliyyət təmin edilib.

Qeyd edək ki, COVID-19 pandemiyası dövründə təhlükəsizlik qaydaları nəzərə alınmaqla Bakı və Sumqayıt şəhərlərində istifadə üçün yararlı olan 120 çimərlik müəyyənləşdirilmişdi. Fəaliyyətinə icazə verilən çimərliklərdə giriş-çıxışın yoxlanılması, habelə çimərlik daxilində müəyyən edilmiş normativ qaydalara əməl edilməsinə nəzarət məqsədi ilə 1000-dən artıq ASAN könüllüsü prosesə cəlb edilmişdi.