Zəvvarların sonuncu qrupu Vətənə qayıdır

Bu il Azərbaycandan Həcc ziyarətinə gedən zəvvarlarımızın ziyarət səfəri başa çatıb.

Qafqaz Müsaləmanları İdarəsindən Teleqraf.com-a verilən məlumata görə, oktyabrın 11-15-i arası gerçəkləşən təyyarə reysləri ilə azərbaycanlı zəvvarlar Vətənə qayıdıb. Sonuncu təyyarə reysləri bu gün həyata keçirilir. Bununla da bu il Həcc ziyarətinə qatılmış 4 minə yaxın azərbaycanlı zəvvarın hamısı Vətənə dönmüş olacaq.

QMİ-nin Beynəlxalq əlaqələr şöbəsinin müdiri Müqəddəs Payızovun verdiyi məlumata görə, zəvvarların səhhətində heç bir ciddi problem olmayıb və ziyarət bütün qaydalara uyğun həyata keçirilib.

Xatırladaq ki, azərbaycanlı zəvvarlar Məkkə şəhərində Həcc ziyarəti ayinlərini başa vurduqdan sonra mübarək Mədinə şəhərinə səfər ediblər. Onların Bakıya qayıdışı da Mədinə şəhərindən gerçəkləşir.

BƏXTİYAR