Ombudsman jurnalist yazıları müsabiqəsi elan edir

Ombudsman 10 dekabr – Beynəlxalq İnsan Hüquqları Günü münasibətilə “Hüquqlar – hamı üçün!” mövzusunda jurnalist yazılarının ənənəvi müsabiqəsini keçirir.

Teleqraf.com xəbər verir ki, bu ilki müsabiqəyə təqdim olunacaq jurnalist yazılarında torpaqlarımızın işğaldan azad olunması, məcburi köçkünlərin öz doğma torpaqlarımıza qayıtması mövzusuna müraciət edilməsini tövsiyə edirik.

Müsabiqə üçün yazılar 01 dekabr 2020-ci il saat 18:00-dək Ombudsman Aparatına (Ü.Hacıbəyli küçəsi, 80, Hökumətevi, II qapı) təqdim edilməlidir.

Müsabiqəyə ünvanlanmış yazıların respublikamızda çıxan hər hansı bir qəzet və ya saytda dərc olunması və müəlliflərin özləri haqqında anketi (müəllif barədə qısa məlumat, əlaqə telefonları, bir ədəd 4x5 ölçüdə fotoşəkil) dolduraraq göndərməsi mütləq şərtdir.