26 Noyabr 2020 20:51
2 677

Sabirabadda yaşayan şairə Nisəbəyim vəfat edib.

Teleqraf.com xəbər verir ki, Nisəbəyim bir müddət idi onkoloji xəstəlikdən əziyyət çəkirdi.

Rəhimova Nisəbəyim İsmayıl qızı 6 mart 1955-ci ildə Sabirabad şəhərində ziyalı ailəsində anadan olmuşdu. Atası Rəhimov İsmayıl Cabbar oğlu Şamaxı şəhərindən, anası Məlikova Məryəm Əlabbas qızı Zərdab rayonunun Əlvənd kəndindəndir.

1976-cı ildə Azərbaycan Dövlət Pedaqoji İnstitutunu fərqlənmə ilə bitirərək, Sabirabad şəhər M.Müşfiq adına 4 saylı orta məktəbində əmək fəaliyyətinə başlamış və ömrünün sonuna kimi həmin məktəbdə Azərbaycan dili və ədəbiyyatı müəllimi işləmişdi.

Nisəbəyim 1998-ci ildən Azərbaycan Yazıçılar Birliyinin üzvü idi. Bir neçə şeir və nəsr kitabları çapdan çıxmışdı.


Müəllif: Teleqraf.com