"İnstaqram"ın işində nasazlıqlar yarandı

"İnstaqram" sosial şəbəkəsinin işində bir neçə ölkədə nasazlıqlar müşahidə edilir.

Teleqraf.com xəbər verir ki, bu barədə populyar internet resurslarının işini izləyən "Downdetector" xidmətinin saytında məlumat verilib.

Məlumata əsasən, nasazlıqlar daha çox Böyük Britaniyada, Fransada, Niderlandda, Almaniyada və ABŞ-da qeydə alınıb.

Bildirilir ki, istifadəçilərin təxminən 65 faizi tətbiqin xəbər lentində, 17 faizi sosial şəbəkənin saytında, 17 faizi isə "story"lərə baxarkən problemlərlə qarşılaşıb.