Pensiyaların artırılması nəzərdə tutulur - Nazir müavini

Ölkədə pensiyaların ilin əvvəlində indeksləşdirilərək artırılması nəzərdə tutulur.

Teleqraf.com-un məlumatına görə, bunu 2020-ci ildə sosial sahədə aparılmış işlər və nəticələrinə dair müvafiq göstəricilərin təqdimatına həsr olunan mətbuat konfransında Əmək və əhalinin sosial müdafiəsi nazirinin müavini Anar Kərimov deyib.

A.Kərimov qeyd edib ki, ilin əvvəlində pensiya indeksləşdirilərsə, yanvarın sonunda artıq pensiyanın artım məbləği barədə rəqəm söyləyə biləcəklər.