26 Yanvar 15:42

Xırdalanda partlayış baş verən evin dağıntıları altında qalan azyaşlının meyiti tapılıb.

Bu barədə Teleqraf.com-a Fövqəladə Hallar Nazirliyinin mətbuat xidmətinin rəhbəri Gülçin Mehdiyeva deyib.

Onun sözlərinə görə, FHN xilasediciləri daha bir nəfərin meyitini dağıntılar altından çıxararaq aidiyyəti üzrə təhvil veriblər.

Xırdalanda dağıntılar altında qalan şəxsin olmadığı nəzərə alınaraq FHN tərəfindən axtarış-xilasetmə əməliyyatı sona çatdırılıb.

Qeyd edək ki, Nazirliyin qəza-xilasetmə qüvvələrinin operativ müdaxiləsi və peşəkar fəaliyyəti nəticəsində dağıntılar altından 6 nəfər xilas olunub, 2 nəfərin cəsədi tapılaraq aidiyyəti üzrə təhvil verilib.

Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. FHN xilasediciləri dağıntılar altından 6 nəfəri xilas edib, 1 nəfərin cəsədini çıxarmışdı.


Müəllif: Teleqraf.com