"Səhliyalı" şirkətindən yüzdən çox Şəhid və Qazi ailəsinə dəstək

“Səhliyalı” şirkəti ənənəvi xeyriyyə aksiyasını Novruz bayramı ərəfəsində də davam etdirib.

Teleqraf.com-a şirkətin İctimaiyyətlə əlaqələr şöbəsindən verilən məlumata görə, budəfəki aksiyada müəssisənin əməkdaşları 100-dən çox şəhid və qazi ailəsi ilə görüşüblər və onlara ərzaq və puldan ibarət bayram sovqatı çatdırıblar. Məqsəd 44 günlük Vətən Müharibəsi ərzində canını ortaya qoyaraq torpaqlarımızın ərazi bütövlüyünü təmin edən şəxslər və ailə üzvlərinə dəstək olmaqdır. Şəhid və qazi ailələri aksiyanı müsbət dəyərləndirib, şirkət rəhbərliyinə və əməkdaşlarına təşəkkür ediblər.

Qeyd edək ki, “Səhliyalı” şirkəti bir neçə gün əvvəl də Qarabağ döyüşlərinin qazisi, 2-ci qrup əlil Bayramov İlkin Aydın oğlunun dünyaya gələn övladının xəstəxana xərclərini qarşılamışdı.