ADNSU-nun iki müəllimi vəfat etdi

Azərbaycan Dövlət Neft və Sənayə Universitetinin iki dosenti vəfat edib.

Teleqraf.com xəbər verir ki, ali təsil müəssisəsinin Faydalı qazıntı yataqlarının geologiyası və işlənməsi kafedrasının dosenti Məmmədkərim Abbasov 71 yaşında, Neft-qaz mühəndisliyi kafedrasının dosenti Cahangir Axundov isə 84 yaşında dünyasını dəyişib.

M.Abbasov 1949-cu ildə anadan olub. 1966-1971-ci illərdə Geoloji-kəşfiyyat fakultəsini bitirərək dağ mühəndisi-geoloq ixtisasına yiyələnib. Geologiya mineralogiya elmləri namizədidir, 1984-cü ildən ADNSU-da işləyirdi. 1988-1990-cı illərdə Konqo Xalq Respublikasında müəllim, 1994-1999-cu ilədək Geoloji Kəşfiyyat Fakültəsinin dekan müavini, 1989-2007-ci illərdə fakültə dekanı vəzifəsində çalışıb. 44 məqalə, 24 tezis, 16 dərs vəsaiti və 2 dərslik müəllifidir.

C.Axundov isə 1936-ci ildə anadan olub. 1953-58-ci illərdə Azərbaycan Sənaye institutununun Neft-mədən fakültəsini bitirib və təhsilini bitirdikdən sonra ixtisası üzrə işləməyə başlayıb. 2009-cu ildən ADNSU-nin Neft-qaz mühəndisliyi kafedrasının dosenti olub. 15 elmi məqalə və 5 dərslik kitabı nəşr olunub.