Ermənilərin "Bayraktar" xofu - Qarabağ savaşından sonra şok statistika

Azərbaycanın Qarabağ zəfərinə böyük töhfəsindən sonra “Baykar Mühəndislik” tərəfindən istehsal edilən “Bayraktar TB-2” pilotsuz uçuş aparatlarına (PUA) maraq daha da artıb.

Teleqraf.com xəbər verir ki, bu barədə “TRT Haber” məlumat yayıb.

“Google”da Türkiyə istehsalı olan PUA barədə məlumatları son bir ildə ən çox Ermənistanda olan istifadəçilər axtarıb. Ən çox aktivlik isə Azərbaycanla Ermənistan arasında döyüşlərin şiddətləndiyi 4-10 oktyabr tarixlərində müşahidə edilib.

“Google”un statistikasına əsasən, ermənilər “Bayraktar”la son bir ildir maraqlanırlar.

Məlumatda vurğulanır ki, “Bayraktar TB-2”yə Yunanıstan və Azərbaycandan olan istifadəçilər də böyük maraq göstəriblər.