Amerikalı bloger: Ağdamdakı dağıntılar insana çox dəhşətli hisslər yaşadır

Ağdam şəhərindəki dağıntını görmək mənə çox dəhşətli hisslər yaşadır.

Teleqraf.com xəbər verir ki, bunu jurnalistlərə müsahibəsində “Show Me Azerbaijan” layihəsi çərçivəsində Ağdamda səfərdə olan ABŞ-dan olan bloger və yotuber Dak Barner deyib.

D.Barner bildirib ki, ona Ermənistanın işğalı dövründə Ağdam şəhər Cümə məscidində heyvan saxlanıldığı barədə məlumat verilib: “Bu, çox məyusedicidir. Biz məsciddə yenidənqurma və bərpa işlərinin aparılacağına dair məlumatlarla da tanış olduq. Ağdam şəhərində artıq yenidənqurma işlərinə başlanılması çox sevindirici haldır".