Dövlət büdcəsinin icrası ilə bağlı qanun layihəsi ikinci oxunuşda qəbul edildi

Milli Məclisin bu gün keçirilən plenar iclasında “Azərbaycan Respublikasının 2020-ci il dövlət büdcəsinin icrası haqqında” qanun layihəsi ikinci oxunuşda müzakirəyə çıxarılıb.

Teleqraf.com xəbər verir ki, sənədi Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili təqdim edib.

Daha sonra qanun layihəsi barədə deputatlar fikir bildiriblər.

Deputat Qüdrət Həsənquliyev bir sıra təkliflərlə çıxış edib. Sonda sənəd səsverməyə çıxarılaraq qəbul olunub.