Kürdəmirdə reyd - Sürücülər cərimələndi

Kürdəmir Rayon Polis Şöbəsinin dövlət yol polisi bölməsinin əməkdaşları şəhərin küçə və prospektlərində sürücülərin dayanma-durma qaydalarına düzgün əməl etmələri ilə əlaqədar reyd keçiriblər.

Teleqraf.com xəbər verir ki, şəhərin müxtəlif nöqtələrində dayanma-durma, parklanma qaydalarını pozan, eləcə də avtobus dayanacaqlarını, piyada səkilərini zəbt edən nəqliyyat vasitələrinin sürücüləri ilə maarifləndirici söhbətlər aparılıb.

Dayanma-durma qaydalarını pozan avtomobillərin sahibləri barəsində inzibati protokollar tərtib olunub.