22 İyun 2021 20:49
276
12 Punto 14 Punto 16 Punto 18 Punto

Azərbaycan müdafiə nazirinin müavini, general-leytenant Kərim Vəliyev Pakistan İslam Respublikasının müdafiə nazirinin müavini, general-leytenant Mian Muhəmməd Hilal Hüseynin rəhbərlik etdiyi nümayəndə heyəti ilə görüşüb.

Müdafiə Nazirliyindən Teleqraf.com-a verilən məlumata görə, görüş iyunun 22-də Moskvada keçirilən IX Beynəlxalq Təhlükəsizlik Konfransı çərçivəsində baş tutub.

Görüşdə tərəflər hər iki ölkənin orduları arasında əlaqələrin daha da genişləndirilməsi məsələlərini müzakirə edib, hərbi əməkdaşlığın əsas istiqamətlərinə dair fikir mübadiləsi aparıblar.


Müəllif: Teleqraf.com