“Son 4-5 gün özümü çox pis hiss edirdim, taqətim olmurdu ki, telefona cavab verim”.
Bunu Teleqraf.com-a Azərbaycan Demokrat Partiyasının sədri Sərdar Cəlaloğlu deyib.
ADP sədri qeyd edib ki, COVID-19-a qarşı peyvəndin ikinci dozasını vurduqdan sonra səhhətində ciddi problem yaranıb: “Hərarətim qalxdı, özümü pis hiss etdim, ağrılarım oldu. Durduğum yerdə tərləyirdim, nəfəs ala bilmirdim. Elə bil ki, xəstəliyi yenidən keçirdim”.
Sərdar Cəlaloğlu qeyd edib ki, hazırda yaxşıdır: “Artıq işə çıxıram. Səhhətim normallaşır”.