İTV-nin Yayım Şurasının tərkibində dəyişiklik edildi

Milli Məclis İctimai Televiziya və Radio Yayımları Şirkəti (İTV) Yayım Şurasının tərkibində dəyişikliyi təsdiq edib.

Teleqraf.com xəbər verir ki, “İctimai Televiziya və Radio Yayımları Şirkəti Yayım Şurasının tərkibində dəyişiklik edilməsi haqqında" Milli Məclisin qərar layihəsi parlamentin bu gün keçirilən iclasında müzakirə olunub.

Yayım Şurasının əvvəl seçilən üzvlərinin müddəti başa çatdığı üçün yeni namizədlər irəli sürülüb.

Namizədliyi Sahibkarlar Şurası tərəfindən namizədliyi irəli sürülmüş şəxslər:

Zeynalov Vüqar Eldar oğlu

Abdullayeva İlhamə Xanlar qızı

Namizədliyi gənclər təşkilatları tərəfindən namizədliyi irəli sürülmüş şəxslər:

Əliyev Azər Ruslan oğlu

Axundova Ülviyyə Süleyman qızı

Namizədliyi qadın cəmiyyətləri tərəfindən namizədliyi irəli sürülmüş şəxslər:

Yusifova Sevil Şərif qızı

Mansurova Zirəngiz Dəmirçi qızı.

Müzakirələrdən sonra Zeynalov Vüqar Eldar oğlu, Əliyev Azər Ruslan oğlu, Yusifova Sevil Şərif qızı 6 il müddətinə İctimai Televiziya və Radio Yayımları Şirkəti Yayım Şurasının üzvü seçilib.